Bittermandle

[Saphira]

Ich be im Süde ide Ferie und ha mer es päckli mandle kauft, sowie ich das au ide Schwiiz mache. Leider hanich de Sack nacheme viertel müesse furtgheie. Es het ca.4 bittermandle idem vierteli gha. E halbi Bittermandle hanich abegschlückt. Und 12 stund spàter isches mir sehr elend gange. Ich bi total müed worde und psychisch wie physisch isch mer schlächt gsi. Ide Nacht hanich de ganz Mage müesse entleere und hy jetzt no buchweh und durchfall.

Ich bi Gott sehr dankbar, dass ich ide Schwiiz gebore bi und läbe darf.

Im Googel stoht, dass bereits 4-6 Bittermandle tödlech chönd ende.

Mer ide Schwiiz hend scho en super Qualität. Ich bi eifach so dankbar dass ich ide Schwiiz chan läbe.

Au muessmer do im Süde s Wasser selber chaufe, da gseht mer immer wieder wie guet mers händ ide Schwiiz.

So,das hani welle loswärde.

Lg Saphira

[firebird]

Liebi Saphira,

danke Dir fürs verzellä.

So wies tönt, gahts zur Ziit Dir recht guet.

Nüüt für unguet
Fäirbörd

[doro]

Hey Saphira

Ui, isch ja krass! Phuu, zum Glück isch nüt schlimmers passiert (wobi sone Nacht ja scho gnueg isch - tönt richtig nach Chemotherapie-Symptom und das ohni Medi gäge d Näbewürkige ).

Danke für din Biitrag. Ja, so Sache öffnet eim richtig d Auge, wie guet mir's da händ.

Ich hoff, du chasch de Rescht vo dine Ferie doch no gnüsse!

Bis glii!

lg, doro

[Saphira]

Liebi doro.
Danke für dini liebe wort.Ja, also es esch halb so schlimm, denn nach 48 stund isch die blausüri wieder usem Körper. Aber ich hett nie denkt, dass Bittermandlemso schlimmi Uswirkige händ.

Das esch mer jetzt also en Lehr gsi.

Firebird: Ja suscht gots mer Gott sei Dank vill besser als vorher und ich bi mine Eltere sehr dankbar, dsss sie mehr die Ferie ermöglicht händ.

Liebi Grüess vo de Saphira